ကြာဇံဟင်းခါး ရှောက်သီးသုတ်



ကြာဇံဟင်းခါး
ကြာဇံဟင်းခါးချက်စားဖို့ အတွက် လိုအပ်သော ပစ္စည်းများကတော့ ပဲကြာဇံ၊ ကြက်သား၊ ကြက်သွန်နီ၊ ကြက်သွန်ဖြူ၊ ဂျင်း၊ ပဲပြား၊ မှိုခြောက်၊ ဆီ၊ဆား၊ ဆနွင်း၊ငါးပိ၊ ငံပြာရည်၊ငရုတ်ကောင်းမှုန့် ၊ အရောင်တင်မှုန့် နဲ့ ဟင်းခတ် မှုန့် တို့ဖြစ်ပါတယ်ရှင်။ ပထမဦးစွာ ပဲကြာဇံကို ရေစိမ်ထားပါ။ ကြက်သား ကို ဆား ဆနွင်း အနည်းငယ်၊ ငံပြာရည် အနည်း ငယ်တို့ နှင့် နယ်ပြီး ပြုတ်ထားပါ။ ပဲပြားကိုလည်း ရေစိမ်ထားပါ။ မှိုခြောက် ကိုလည်း ရေစိမ်ထားပါ။ ကြက်သွန်နီကို ခပ်ကြမ်းကြမ်းလေး လှီးပြီး ဆီသတ်ပေးပါ။ ကြက်သွန်ဖြူနှင့် ဂျင်းကို ထောင်းပြီး ထည့်ဆီသတ်ပေးပါ။ ပြုတ်ထားပြီးသား ကြက်သားကို အမျှင်လေးတွေ ဖြစ်အောင်ဖဲ့ပါ။ (သို့) အတုံးသေး သေးလေးတွေတုံးပေးပါ။ ပြီးလျှင် ဆီသတ်သည့် အိုးထဲကို ထည့်လိုက်ပါ။ ဆား၊ငါးပိ၊ အရောင်တင်၊ ဟင်းခတ်မှုန့်ထည့်ပါ။ နောက်ပြီးကိုယ်ချက်မည့် ပမာဏအလိုက် အိုးထဲကို ရေနွေးကျိုပြီးသား ကိုထည့် လိုက်ပါ။ ဟင်းရေအိုးပွက်လာပြီးဆိုမှ ရေစိမ်ထားတဲ့ ကြာဇံကို ထည့်ပါ။ ကြာဇံဖတ် အရမ်းရှည်နေလျှင် ကတ်ကြေးနဲ့ ကိုက်လိုက်ပါ။ မှိုခြောက်ကို သဲမပါအောင် ရေ အထပ်ထပ်ဆေးပြီး အဖတ်သေးသေးလေးတွေ ကိုက်ပြီးထည့်ပါ။ ပဲပြားကိုလည်း သင့်တော်ရုံ ကိုက်ပြီးထည့်ပါ။ ငရုတ်ကောင်းမှုန့် လည်းထည့်ပါ။ ကြာဇံလည်း နှုးပြီးဆို အပေါ့ အငံ မြည်းပြီး ကြာဇံဟင်းခါး ရပါပြီရှင်။ မန္တလေးမှာတော့ ကြာဇံဟင်းခါးထဲကို ပိတ်စွယ်လေးတွေ ပါးပါးလှီးထည့်တာရယ် မှိုအစိုရယ်ပါ ထည့်ချက်တဲ့ အကျင့်ရှိကြတယ်။ ကြာဇံကို တစ်ချို့က ကြက်သားဆီသတ်ကတည်းက ထည့်လိုက်ကြတယ်။ ကြာဇံ မကြေဘူးလို့ပြောပါတယ်။ ကျွန်မကတော့ ကျွန်မချက်တဲ့ နည်းအတိုင်းရေးလိုက်တာပါ။ ငုံးဥပြုတ်ကြိုက်ရင် ငုံးဥပြုတ်ပြီးသားလေးတွေ ထည့်စားကြပါတယ်။ ကျွန်မတို့ အိမ်မှာတော့ ကြက်ဥကို အချပ်ကြီးတွေ ရအောင် ခေါက်ကြော်ပြီး ပါးပါးလေးတွေ ညှပ်ထည့်ပါတယ်။
ကျွန်မတို့ အိမ်မှာ လူ(၅) ယောက်စာ ဆုံရင် ကြာဇံ (၂၅)ကျပ်သား ကြက်သား တစ်ခြမ်းဆိုရင် စားလို့ရနေပြီ။ ဓါတ်ပုံထဲမှာတော့ ကြက်ဥကြောက်မထည့်ထားဘူး။ ကြာဇံဟင်းခါးကို ကြက်သွန်မိတ် နံနံပင် ရှောက်သီး ငရုတ်သီးမှုန့် နဲ့ ကြက်သွန်ပါးပါးလှီးတာလေးတွေ ထည့်စားလို့ ကောင်းပါတယ်။
ကျွန်မကတော့ ကြက်သွန်မိတ် ထည့် မစားလိုက်ရပါဘူး။ ကျွန်မအစ်ကိုက ကြက်သွန်မိတ်ကို ဂျူးဖူးနဲ့ မှားပြီးဝယ်လာလို့ပါ။ သူကပြောသေးတယ်။ စင်ကာပူက ကြက်သွန်မြိတ်က တော်တော်သန်တယ်တဲ့။ :)

ရှောက်သီးသုတ်
ရှောက်သီးသုတ်ဖို့ အတွက် ရှောက်သီးကို အခွံခွာပြီး အမွှာလေးတွေ လုပ်ထားပါ။ အသီးအရွက် အစား အလိုက် တစ်ခြမ်း(သို့) တစ်လုံးလိုပါလိမ့်မယ်။ ကြက်သွန် နီ အနေတော် (၃)လုံးလောက်ကို ပါးပါးလှီးပြီး မမွှန်အောင် ရေစိမ်ထားပါ။ ကြက်သွန် ဖြူလည်း ပါးပါးလှီး ထားပါ။ ငါးပိကို ကင်ထားပါ။ မြေပဲဆံထောင်း၊ ပဲမှုန့်၊ ငရုတ်သီးမှုန့်၊ ပုဇွန်ခြောက်မှုန့်၊ ဆီချက်၊ ငရုတ်သီးစိမ်း အနည်းငယ် ပါးပါးလှီး ထားတာလေးတွေ ရောလိုအပ်ပါတယ်။
ပန်းကန်တစ်ခုထဲမှာ ကြက်သွန်နီ၊ ကြက်သွန် ဖြူ၊ ရှောက်သီး မွှာ၊ငါးပိ၊ ပုဇွန်ခြောက် မှုန့်၊ပဲမှုန့်၊ ငရုတ်သီးမှုန့်၊ ငရုတ်သီး တောင့် ပါးပါးလှီး လေးများ၊ ဆီချက်တို့နှင့် အပေါ့ အငံလိုသလို ပြင်သုံးဆောင် နိုင်ပါတယ်ရှင်။ ကျွန်မကတော့ ရှောက်သီးမရှိလည်း သံပရိုသီးနဲ့ သုတ်စား ပါတယ်။ ချဉ်ငံစပ်ဆို အကုန် ကြိုက်တယ်။
စားသွားပါဦးရှင်။

  • Digg
  • Del.icio.us
  • StumbleUpon
  • Reddit
  • RSS

0 comments:

My Blog List 1

My Blog List 3

Popular Posts

နေရာအစုံမှ ဧည့်သည်များ

Current User

User Online