မုန့်ဟင်းခါး

စားတော့မလို့ ပွဲပြင်ထားပါတယ်။
အကြော်၊ကြက်ဥ၊နံနံ၊ပဲသီး၊သံပုရာသီး။
မုန့်ဟင်းခါး ဟင်းရည်အိုးပါ။
မုန့်ဟင်းခါးဖတ်ခြောက်ထုတ်ကို ရေအေးကြာကြာစိမ်ထားပြီးမှ ပြုတ်ပါမယ်။ ပြုတ်ပြီးသားမုန့်ဖတ်လေးတွေကို ရေအေးအေးနဲ့ အပူပျောက်အောင်ဆေးချပြီးမှ ဇကာနဲ့စစ်ထားပါမယ်။


ငါးအသားလေးတွေ နွှင်ထားတာပါ။

အရိုးတွေကို ထောင်းပြီးယူထားတဲ့ ငါးပြုတ်ရည်ပါ။

ငါးခူပြုတ်ပြီးသားလေးပါ။ပဲကို ခေါက်မွှေနေတုန်း ရိုက်ထားတာပါ။


ဒီတစ်ပတ် ပိတ်ရက်မှာ အချိန်ရတာနဲ့ မုန့်ဟင်းခါးကို Ready made မဟုတ်ဘဲ အိမ်ချက်လေး သေချာချက်စားဖြစ်ပါတယ်။ မုန့်ဟင်းခါးချက်တဲ့ ကုလားပဲ၊ဆန်လှော်မှုန့်၊ငါး တို့ရဲ့ အချိုးအဆကိုတော့ ကျွန်မချက်တဲ့ အချိုးအဆအတိုင်း ရေးပေးလိုက်ပါတယ်။

မြန်မာအလေးချိန်နဲ့ဆိုလျှင်တော့ မုန့်ဖတ် (၁)ပိသာအတွက် ငါး(၂၅) ကျပ်သား၊ ပဲ(၁၀)သား၊ ဆန်လှော်မှုန့် (၅) ကျပ်သားထည့်ပါတယ်။

စင်ကာပူမှာတော့ ငါးတစ်ထုတ်ဝယ်ရင် ငါးခူအရွယ်တော် (၃)ကောင်လောက်ပါတတ်ပါတယ်။ ကုလားပဲကို နို့ဆီဘူးနဲ့ တစ်ဝက်ကျော်ကျော်လေးပြုတ်ပါတယ်။ ဆန်လှော်က ပဲအချိုးအဆရဲ့ တစ်ဝက်ပါ။ ကျွန်မကတော့ အဲဒီအချိုးနဲ့ ချက်ပါတယ်။ မိမိစိတ်တိုင်းကျသလို လိုတိုးပိုလျှော့ လုပ်နိုင်ပါတယ်။

ချက်နည်းလေးကတော့

ငါးခူကို မန်ကျီးမှည့်နှစ်နဲ့ပွတ်ဆေးပြီး အတွင်းက ထုတ်စရာရှိတာတွေ ထုတ်ပါမယ်။ ရေခဲရိုက်ထားတဲ့ အထုတ်တွေက တော့ သန့်ရှင်းပြီးသားများပါတယ်။ ငါးခူကိုဆား၊နနွင်း၊ငံပြာရည်နဲ့နယ်ပြီး ငါးပိ ကွမ်းသီးလုံးခန့်ထည့်ပြီး စပါးလင်သုံးချောင်းခန့်ကို ရေဆေး တစ်ပတ်လျှိုထုံးပြီး ထည့်ပြုတ်ပါမယ်။ ငါးကို အအေးခံပြီး အသားနွှင်ထားပါမယ်။ အရိုးလေးတွေကိုလည်း ဂရုတစိုက်ဖယ်ထားပါမယ်။ အလယ်ကျောရိုးနဲ့ ခေါင်းတွေကို ထောင်းပြီး ရေနွေးလေးနဲ့ရောကာ အရိုးတွေဖြူသည်အထိ အရိုးထောင်းရည် ယူထားပါမယ်။

ကုလားပဲကို နူးမြေ့နေအောင်ပြုတ်ပြီး ညက်အောင် ထောင်း(သို့) ကြက်ဥမွှေတံနဲ့ မွှေထားပေးပါ။

မြေပဲဆံအစိမ်းလက်တစ်ဆုပ်ခန့်ကို လည်းထောင်းထားပါ။

ဆန်လှော်ကို ရေအေးနဲ့ရောပြီး ဖျော်ထားပါ။

ကြက်သွန်ဖြူ၊ဂျင်းနဲ့ရောပြီး စပါးလင်အနုပိုင်းလေးတွေပါ ရောထောင်းပါ။ ကြက်သွန်နီကို ငါးဆီသတ်ဖို့ ပါးပါးလှီးပြီး အလုံးလိုက်ထည့်ဖို့အတွက်လည်း အဆင်သင့်လုပ်ထားပါ။ ဒီမှာတော့ ကြက်သွန်နီအလုံးသေးမဝယ်လိုက်ရလို့ အကြီးကိုဘဲ လေးစိပ် စိပ်ထည့်ထားပါတယ်။

ငှက်ပျောအူကိုလည်း အရင့်တွေခွာပြီး အနုလေးတွေကို ပါးပါးလှီးကာ နနွင်းရည်စိမ်ထားပါတယ်။

စချက်ပါပြီနော်..

ကြက်သွန်နီ ဆီသတ်ပါမယ်။ ကြက်သွန်နွမ်းရင် ဂျင်း၊ကြက်သွန်ဖြူ၊စပါးလင်ထောင်းထားတာ ထည့်ပြီး ငါးထည့်ဆီသတ်ပါမယ်။ ဆား၊ငါးပိအနည်းငယ်၊ကြက်သားမှုန့်၊ငံပြာရည်တို့နှင့်၊အရောင်တင် ထည့်ပြီး မွှေးလာအောင် ဆီသတ်ပါမယ်။ အနံ့မွှေးလာရင် ငါးရိုးထောင်းတဲ့အရည်ထည့်ပါမယ်။ ခြေထားတဲ့ပဲကို ရေနွေးလေးနဲ့မွှေပြီးထည့်ပါမယ်။မြေပဲဆံထောင်းနှင့် ဆန်လှော်ဖျော်ထားတာထည့်ပြီး ရေနွေးရောကာ ဟင်းရည်အိုးထည်ထားပါမယ်။ ပဲတွေအိုးမကပ်အောင် မွှေပေးရပါမယ်။
မုန့်ဟင်းခါးကို ရေနွေးဖြင့်ချက်ခြင်းက ဝမ်းလျှောတာ ဝမ်းပျက်တာ မဖြစ်စေဘဲ ကြာရှည်အထားခံစေပါတယ်။

ဟင်းရည်စပွက်လာရင် ငှက်ပျောအူဖတ်လေးတွေ ထည့်ပါတယ်။
ကြက်သွန်နီ နူးလောက်မည့် အချိန်နဲ့ ဟင်းရည်အိုးအရည်ကျမဲ့ အချိန်မှန်းပြီး ကြက်သွန်နီ လေးစိပ်ကွဲများထည့်ပါတယ်။

ငါးဖယ်ကို သတ်သတ်မကြော်တော့ဘဲ အလုံးသေးသေးလေးတွေလုံးပြီး ဟင်းရည်အိုးထဲထည့်ပါတယ်။

ကြက်ဥ ၁လုံးကို နာနာခေါက်ပြီး ဟင်းရည်အိုးထဲကို အမျှင်လေးများအဖြစ် ထည့်နိုင်ပါတယ်။

ဟင်းရည်အပွက်မှာ ငရုတ်ကောင်းခပ်ပါတယ်။အရသာအတွက် ငံပြာရည်နဲ့ အချိုမှုန့်အစားထိုး ကြက်သားမှုန့်ဖြည့်စွက်ထည့်ပါမယ်။

နံနံပင်၊ပဲတောင့်ရှည်၊ပဲကပ်ကြော်၊ဘူးသီးကြော်၊အီကြာကွေး၊ကြက်ဥပြုတ် တို့ဖြင့်တွဲဖက်သုံးဆောင်နိုင်ပါတယ်နော်။

မုန့်ဟင်းခါးလို့ရေးကြသလို မုန့်ဟင်းငါးလို့လဲရေးကြလို့ ဘယ်ဟာအမှန်လဲ ဝါးတားတားဖြစ်နေမိပါတယ်။ Sorry ပါနော်။

  • Digg
  • Del.icio.us
  • StumbleUpon
  • Reddit
  • RSS

My Blog List 1

My Blog List 3

Popular Posts

နေရာအစုံမှ ဧည့်သည်များ

Current User

User Online