ငါးသံပုရာ ချဉ်စပ်


ငါးသံပုရာချဉ်စပ်အတွက် တိလားပီးယားငါး (tilapia) ကိုသုံးထားပါတယ်ရှင်။
ငါးတစ်ကောင်လုံးကို ဗိုက်ဖောက် သန့်ရှင်းပြီး အပေါ်အောက် ဓါးဖြင့်သုံးချက်စီလောက် မွှန်းပေးပါ။
ငါးကို ဆား၊ နနွင်း၊ကြက်သားမှုန့် တို့ဖြင့်နယ်ပြီး ခဏ နှပ်ထားပေးပါ။ ငါးကို ဒယ်အိုးပြားထဲမှာ ရေနည်းနည်းချင်းဆီထည့်ပြီး ပြုတ်ပါတယ်။ ရေကို အများကြီးတစ်ခါထည်းမထည့်ပါဘူး။
ပြုတ်တဲ့အချိန်မှာ အညှီနံ့ ပျောက်စေရန်အတွက် ဂျင်းကို အချောင်းလေးတွေလုပ်ပြီး ထည့်ပြုတ်ပါတယ်။
ငါးကျက်မဲ့အချိန်ကိုမှန်းပြီး ရေခမ်းလေးရအောင် ရေကို နည်းနည်းစီထည့်ပါမယ်။
ငါးကျက်လျှင် သတ်သတ်ဖယ်ထားပါ။
သံပုရာသီး အရည်ညှစ်ထားပါ။
ကော်ရည်ကို ရေအေးဖြင့် ဆား၊သကြား၊ ငရုတ်ကောင်း၊ သံပုရာရည် ထည့်ဖျော်ပြီး ကျဲကျဲလေးရအောင် မီးဖိုပေါ်တွင်ကျိုထားပါ။ချို ချဉ်ငန်စပ်အရသာအား မိမိစိတ်ကြိုက်ပြင်ဆင်ပါ။
ကော်ရည်အိုးချခါနီးတွင် နံနံပင် ရိတ်ရိတ်လှီးလေးများ၊ ငရုတ်သီးစိမ်းနှင့် ကြက်သွန်ဖြူ ကြိတ်ထားသည်ကို ထည့်ပါ။
အရည်အရသာအပေါ့အငန်အတွက်ကြက်သားမှုန့်၊ ဆားတို့ဖြင့် ပြင်ဆင်နိုင်ပါတယ်။
ဒီဟင်းမှာ အငန်အရသာအတွက် ငံပြာရည်ကို မသုံးထားပါဘူးရှင်။
ဟင်းပွဲပြင်ဆင်ရန်အတွက်ပန်းကန်ပြားထဲမှာ အရည်နည်းနည်းခံပြီး ငါးကိုထည့်ပါ။ ပြီးမှ အပေါ်မှ အရည်လောင်းချလိုက်ပါ။
အရည်အရသာဟာ ငါးရဲ့နောက်ကျောဘက်ကိုပါဝင်ပြီး စားလို့အင်မတန်ကောင်းပါတယ်။
အမြည်းအနေနဲ့ဘဲဖြစ်ဖြစ်၊ ထမင်းနဲ့ဘဲ ဖြစ်ဖြစ် ခံတွင်းလိုက်စေပါတယ်ရှင်။

  • Digg
  • Del.icio.us
  • StumbleUpon
  • Reddit
  • RSS

ငါးချဉ်သုတ်& ငါးချဉ်ကြော်



အဲဒီနေ့က ငါးချဉ်ကို သုတ်စားဖြစ်ပါတယ်။ :)
မြန်မာနိုင်ငံက ငါးချဉ်ဆိုရင်တော့ ကောလင်းဘက်ကလာတဲ့ ငါးကြီးချဉ်ကို
ချက်စားရတာကြိုက်ပါတယ်။ ဒါလေးကတော့ ယိုးဒယားဈေးက ဝယ်ထားတာပါ။
sour fish လို့ဘဲရေးထားတော့ ဘာငါးချဉ်လဲဆိုတာတော့ မသိပါဘူး။ :)
ကြက်သွန်နီပါးပါးလှီး၊ ငါးချဉ်လေးတွေကို သင့်တော်ရုံလှီးပြီး ငရုတ်သီးစိမ်းပါးပါးလှီးလေးတွေနဲ့
သုတ်ပါတယ်။ ပဲတောင့်ရှည်နုနုလေးတွေရလို့ လှီးထည့်ထားပါတယ်။
နံနံပင်လေးရရင် ထည့်သုတ်လို့မွှေးပါတယ်။
အရသာအတွက် ဆားအနည်းငယ်နဲ့ ကြက်သားမှုန့် ထည့်ပြီး ဆီစိမ်းစမ်းပြီး သုတ်ပါတယ်ရှင်။

သုတ်မစားချင်တဲ့သူများကတော့ ကြော်စားလို့ရပါတယ်ရှင်။
ကြက်သွန်နီဆီသတ်ပြီး ငါးချဉ်တွေလှီးထားတာထည့်ပါမယ်။
အရသာအတွက် ဆား၊ကြက်သားမှုန့်ထည့်ပြီး အရောင်လှရုံ အရောင်တင်နည်းနည်းထည့်ပါတယ်။
ငရုတ်သီးခြမ်းထားတာလေးထည့်ပြီး နံနံပင်လေး၊ကြက်သွန်ဖြူလေးအုပ်ပြီး စားသုံးနိုင်ပါပြီနော်။

  • Digg
  • Del.icio.us
  • StumbleUpon
  • Reddit
  • RSS

မုန်လာဥနဲ့ငါး


မုန်လာဥနဲ့ငါးနဲ့ကို နယ်စားလေးချက်ထားတာပါ။
ဟင်းချိုသက်သက်တော့မဟုတ်ပါဘူး။ ရည်လည်ဆီလည်လေးပါ။
မုန်လာဥကို အခွံနွှာပြီး မိမိနှစ်သက်သလိုလှီးထားပါ။ရေဆေးပြီး စစ်ထားပါ။
ငါးအသားကို ရေဆေးပြီး သင့်တော်ရုံတုံးထားသော အတုံးလေးတွေကို ဆား၊နနွင်းနယ်ပြီး နှပ်ထားပါ။
ကြက်သွန်နီ ဆီနိုင်နိုင်သတ်ပြီး အနံ့မွှေးလာလျှင် ဂျင်းနဲ့ကြက်သွန်ဖြူထောင်းထားတာလေးကို များများလေးထည့်ပြီး မွှေပါ။ ဂျင်း၊ကြက်သွန်ဖြူနံ့ မွှေးလာလျှင်ဆား၊နနွင်း အရောင်တင်နှင့် ငါးထည့်ပါ။
ငါးကိုသူ့ရေလေးနှင့်သူ အရင်လုံးပြီးမှ ငါးပိလေးအနည်းငယ်ရေဖျော်ထည့်ပါ။ နောက်မုန်လာဥထည့် ရေနည်းနည်းချင်းထည့်ပြီးတည်ပါ။ ကြက်သားမှုန့်နှင့် ငံပြာရည်ကို အပေါ့အငန်အတွက်သုံးထားပါတယ်။
မုန်လာဥနူးခါနီးမှ ခရမ်းချဉ်သီးကို လေးစိတ်စိပ် (သို့) အကွင်းလေးတွေလှီးပြီးထည့်ပါ။ အချဉ်အရသာကြိုက်လျှင် ရှောက်သီးညှစ် (သို့) မန်ကျီးနှစ်ရေနွေးလေးဖျော်ပြီးထည့်နိုင်ပါတယ်ရှင်။
ဟင်းအိုးချခါနီးမှ နံနံပင်လေး အုပ်လိုက်ပါတယ်။
ကျွန်မဖေဖေရဲ့  favorite dish လေးပါ။
ငါးပိထောင်းလေးနဲ့ တွဲဖက်သုံးဆောင်ပါတယ်ရှင်။ :)

  • Digg
  • Del.icio.us
  • StumbleUpon
  • Reddit
  • RSS

My Blog List 1

My Blog List 3

Popular Posts

နေရာအစုံမှ ဧည့်သည်များ

Current User

User Online