ကြေးအိုး

ကြေးအိုးလုပ်စားဖြစ်တဲ့နေ့ကပါ။ နည်းနည်းတော့ကြာနေပြီ။
ခုမှ ဓါတ်ပုံတွေ့ လို့ပြန်တင်လိုက်ပါတယ်။ :) သေချာရိုက်ထားတဲ့ပုံတွေတော့ မဟုတ်ပါဘူး။ :)
ကြေးအိုးစားရင် ဝက်သားနဲ့မှ အင်္ဂါစုံတယ်ထင်လို့ ဝက်သားနဲ့လုပ်ဖြစ်ပါတယ်။
ဝက်ရိုးကို ရေစင်စင်ဆေးပါတယ်။ ပြီးတော့ အိုးကြီးကြီး တစ်လုံးထဲမှာ ရေထည့်ပြီး ပြုတ်ပါတယ်။ ဆီတွေတက်လာတိုင်းခပ်ထုတ်ပြစ်မှာမလို့ ဝက်သားကို အရသာနယ်မထားပါဘူး။
ဆီတွေဝေ့တက်လာတိုင်း ခပ်ပြစ်ပြီး နောက်ဆုံး ဆီမဝေ့တော့တဲ့ထိ အကြာကြီး ဝက်ရိုးကိုပြုတ်ပါတယ်။ နောက်ဆုံးမှာ ကိုယ်လိုချင်တဲ့အရည်အနေအထားရောက်ပြီဆိုမှ ဟင်းရည်အိုးထဲကို ဆား၊သကြား၊ငံပြာရည်၊ကြက်သားမှုန့်၊ ငရုတ်ကောင်း၊တရုတ်မဆလာ ထည့်ပါတယ်။
ဂျင်းကို လွှာပြီး အနည်းငယ်ထည့်ပါတယ်။ ကြက်သွန်ဖြူ ၃မွှာလောက် ထုထည့်လိုက်ပါတယ်။
မီးမျှင်းမျှင်းလေးနဲ့တည်ထားပါတယ်။
ဝက်သားကြိတ်သားကို ဆား၊ ဂျင်းကြက်သွန်ဖြူထောင်းထားတာနဲ့နယ်ပါတယ်။
နောက်အဲဒီထဲကို ကော်မှုန့် ရောထည့်နယ်ပါတယ်။
အသားလုံးလို့ကောင်းတဲ့ထိ ကော်မှုန့် ထည့်ပါတယ်။
နောက်အသားလုံးလေးတွေကို အနေတော်လုံးပြီး ဟင်းရည်အိုးထဲထည့်ပြုတ်ပါတယ်။
နောက် မိမိထည့်မဲ့ ဝက်အဆာပလာတွေကို ပြင်ဆင်ပါမယ်။
ဝက်သည်း၊ ဝက်အူချို စသည်ဖြင့်ထည့်ကြပါတယ်။
ရေသေချာဆေးပြီး ဆား၊ ဂျင်းရည်တို့နဲ့ နယ်ပြီး ပြုတ်ပါမယ်။
ပြီးရင် မထူမပါးလှီးပြီး ပန်းကန်ထဲထည့်ထားပါမယ်။
ငုံးဥလေးလည်းပါမှ ဆိုတော့ ငုံးဥကို အခွံချွတ်ရလွယ်အောင် ဆားလေးအနည်းငယ်ထည့်ပြုတ်ပြီး ကျက်ရင် အခွံခွှာ ပန်းကန်တစ်ခုထဲထည့်ထားပါ။
ပဲပြားကိုလည်း အနေတော်တုံးထားပါတယ်။
မုံညင်းရွက်ကို ရေဆေးပြီး အဆင်သင့်ထားပါ။
ကျူဆိုင်လေးပါမှ ကြေးအိုးနံ့ လေးရတာမလို့ ကျူဆိုင်လေးကိုလည်း ရေဆေးပြီး ဖြတ်ထားပါတယ်။
ဆန်ပြားကြာဇံ ရောရာလေးကို ကြိုက်သော်လည်း ကြာဇံပဲအလွယ်တကူရတာမို့ ဆန်ကြာဇံကို (၁၅) မီးနစ်လောက်ရေအေးစိမ်ထားပါတယ်။ ကြာဇံကို အနေတော်ဖြတ်ထားပါ။ နောက်မှ ရေအေးသွန်ပြီး ရေနွေးပွက်ပွက်ဆူကို မီးဖိုပေါ်မတင်ဘဲ ဇလုံထဲမှာဘဲ ကြာဇံကျက်အောင် အချိန်မှန်းပြီး ဖျော လိုက်ပါတယ်။ ကျက်ပြီးသားကြာဇံကို ဇကာတစ်ခုထဲထည့်ထားပါတယ်။
ကြာဇံဖတ်ကို ပျော့ပြဲမှာ စိုးတဲ့အတွက် အပြင်မှာဘဲ တစ်ခါတည်းကျက်အောင်လုပ်လိုက်တာပါ။
စားတော့မယ်ဆိုမှ အိုးအသေးထဲကို ဟင်းရည်ထည့်၊ ငုံးဥ၊ကျူဆိုင်၊ပဲပြား၊မုံညင်း၊ ဝက်အဆာပလာများထည့်ပြီး ဟင်းရည်ပွက်အောင်ထည်၊ ကြာဇံရောပြီး စားသုံးနိုင်ပါတယ်ရှင်။ အရသာအတွက်ငံပြာရည်နဲ့ ကြက်သားမှုန့်ကို သုံးပြီး ဖြည့်စွက်ပါတယ်။ ငရုတ်ကောင်းမှုန့်လေးလဲ ဖြူးပါတယ်။
အချဉ်အတွက်ကတော့ ငရုတ်သီးစိမ်းနဲ့ ကြက်သွန်ဖြူကို ရေနွေးလေးနဲ့ပြုတ်၊ကြိတ်ပြီး ရေနွေးလေးလောင်းထားတဲ့ အချဉ်လေးလုပ်ပါတယ်။ နောက် tomato sauce ရယ် ထည့်စားပါတယ်။ ဖက်ထုတ်ကြော်လေးနဲ့ တွဲစားလို့ လိုက်ဖက်ပါတယ်နော် :)